الرئيسية
زوور ابن الزرزور الي عمره ماحلف ولا جذب زور ذبح بقة وترس سبعة جدور
وخلا الشحوم وللحوم على الصواني تدور وتحوم
كان يا ماكان في قديم الزمان ولا يحلى الكلام الا بالصلاة على سيد الأنام
كنت في ذلك اليوم جالسة على الكمبيوتر
وكنت آكل (بآونتي)ولا(سنكرس) نسيت بالضبط شكنت احشي بطني فيه
المهم
تركت قطعة صغيرة على طاولة الكمبيوتر
توني باكلها الا طااحت {مادري من كان نفسه فيها}
قلت يلا طاحت الخير واجد اطلع لي ثاني وآكل
بعد ساعتين من صقوط قطعة الشوكليت على الأرض
نزلت راسي بشوف شخبارها
الا اشووف ذاك النمل المتجمع كأنهم نسوان في السوق
ياكلون القطعة الي طاحت مني
عاد انا عصبت قلت الحين انا اشتريها وغيري ياكلها
لا والله هذاالي ناقص
هفيت عليهم بثمي (هف .. هف ) وطيرتهم وبعدتهم عن الجوكليت
وخذتها وبكل برود وارميها في الزبالة (أكرمكم الله)
ورجعت افتر في صفحات النت واقرا مواضيع واخبار
وجرايم و...الخ
شفت بعدين نملة تمشي على الشاشة
قعدت اتأملها واقول في نفسي (سبحان الله انتي في قزاز(زُجاج) في جسمج)
وطالع فيها اقول اصدق فيها قلب
سبحانك يارب
.. ..
بعدين بتدت الرجة وقمت اكملها
اقول لها
انا احبكم يا النمل بس انتو تقهروني ما تستأذنون
وتأكده ان اسنانكم مسوسة من كثر ماتاكلون سكر
سمعيني يانملة بلغي عشيرتج ان بكرة بتنقرضون
النمة صار وجهاا (
)النملة : ننقرض
انا :
يمــــــــه انتي تتكلميييييينقالت :ايه انا اتكلم يالدبة
انا:سمعي انتي اشوفج مطيحة الميانة
النملة: لا ماقصد بس نرفزتيني
انا: اها نرفزتج
النملة: يلا بروح انام وراي مدرسة
انا: يلا مع السلامة نامي عدل
النملة: بي باي
طلع الصبح والناس قامت من مراقدها
آآآآه< اتثاوب فيني نوم, طبعا اجازة ولا انام الا الصبح
جات النملة :السلام عليكم شخبط
انا: هلا والله وعليكم السلام شخبارج؟
النملة:بخير الحمد لله ,سامحيني على الي صار امس
انا:لا ماصار شي .ماقلتي لي شسمج؟
النملة:نونو
انا :عاشت الاسامي
نونو: الله يسلمج ي شخبط اخاف يرن الجرس ولا الحق على الحصة الاولى
انا: يحليل حتى انتو حصة اولى
نونو: ايه حتى احنا :)
انا: تعالي اوصلج بسرعة على شان ما تتأخرين ,بس مدرستج في اي زاوية من غرفتي؟
نونو:الزاوية الي مساحتها 180
انا: لو سمحتي لا تغلطين,احس اذا كلمتيني شي بالرياضيات تسبيني
نونو: هههههه
انا: يلا وصلنا سلمي على الجميع , يووؤ نونو شفي وجهج احمر
نونو: شفتي الأسمراني
انا: اي اسمراني الله يهداج كلكم سوود
نونو: لالا, المملوح
انا: ايييه , شنو فيه
نونو: هذا حبيب دلبي
انا: أووه حركات حتى انتو تحبوون
نونو: ايه حتى احنا عندنا قلب
انا : طيب يلا رووحي لا تتأخريين واي شي محتاجينة انا بالخدمة
سألي مديرة المدرسة اذا محتاجة اعدل لها شي, وبعد النمل كلهم
ننونو: ماتقصرين
نمت نومة هنية ولا صحيت الا قريب المغرب
على طولت شفت خشة نونو بوجهي
كان بالهشكل
يؤؤؤ نونو وش بلاتس؟؟نونو: آآآه ياشخبط حبيب الدلب مو من نصيبي
انا: يوو ليش وشلون
<< يعني مسوية نفسي مهتمة ( اتقصى بس)
نونو:ابووه يقول له لازم ياخذ من نفس قبيلتة
من الصدمة وقفت وقلت وانا اخت لخبوط لا اخلية ياخذج
نونو: تكفيين ساعديني
انا: زين سكتي اذيتيني بصوتج الصويوه
دليني مكانهم واروح اكلم ,ماقلتي لي شنو اسمة؟
نونو: بس بس
انا: شفيج تبسبسين
نونو: اسمة بس بس
انا: اهاا
نونو: بس مكانهم بعيد
انا: بالنسبة لج بعييد اما انا عادي
وصلت لقبيلة (كعة)
وشفت بس بس جالس ويفكر
انا: مرحبا بس بس
بس بس: مرحباً الف انتي شخبط الي قالو عنك في صحيفة..سكر نبات..
انا:
حطوني في الجرايدايه انا هي , سمعت ان ابوك رافض تاخذ نونو
بس بس: ايه رافض
انا: يؤؤ لا تفضح نفسك قدام القبايل رجال وتصيح
بس بس: وش اسوي الظروف جبرتني (أبكي)
انا: علمني اي واحد فيهم ابووك
بس بس ": ذاك
انا: بسم الله حشى ابليس مو نملة
دخلت وقلت له يابو بس بس
ترا الناس تطورت وانت للحين على الراديو
اقصد على افكارك القديمة
بعد جهدً جهيد وطلعة الرووح والتفحييط
اقتنع والد بس بس بالفكرة
وتزوج بس بس من نونو
:kllohs:
وكانت هذه بطاقة الدعوه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ اهلا وسهلا بالضيوف الكرام بيض الله وجوهكم السود
وتشرفنا بقدومكم بس نتمنى النميلات والنميلييون الصغار ينامون في بيوتهم
ترا اريح لهم واسنع لكم
بمناسبة زواج
بس بس على كريمة هش هش
الداعيات
×ام بس بس العكاوي
× ام نونو الهشيش
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ 
![[..هدوء أنثى..]](https://2img.net/u/4111/15/90/89/avatars/18-49.jpg)
