بناااااااااااااااااااات لحـــــــقوا ..رجيم في وسط رمضان!!!!

بناااااااااااااااااااااااااااات لا يفووووووووووووتكم

طبعا مثل ما قالت اختي وحبيبتي (شخبط شخابيط) عن شهر رمضان:

جى شهر الأكل وزيادة الوزن ......والمسلسلات بعد >>لااااااا هاذي من عندي طبعا

في نظام جربته في رمضان العام اللي راح واستمريت عليه طوووول رمضان >>>ماشالله علي

لمده 30 يوم لانه جاب نتيجه معاي

وهو عباره عن شي بسيط يتطلب منكم شويه شجاعه وجرئه

الا وهو...

1- الأبتداء في شرب الشوربه و التقليل من اكل الخبز والنشويات والمقليات وتترسون بطونكم من النباتيات مثل السلطه وغيرها>>>ببساطه الأكل زي الناس وطبعا فيكم تاكلون بروتينات >يعني اللحوم اقصد بس بدون خبز او انكم تقللون منه وبالنسبه للحلا اكلو كميات بسيييييطه يعني ما يحتاج تحرمون انفسكم ولو ان تجربتي العام كانت خاااليه تماما من الحلا يعني ولا يوم كلت حلا في رمضان مع شرب الشاي الاخضر دافي وبدوون سكر!!

2- المشي أو الهروله سيرا على الأقدام بعد ساعه او ساعه ونصف من تناول الأفطار حتى >>>حتى لوكان حر وموت وهلاك ورطوبه (بدكون تمشوا يعني تمشوا فاهميين عليييي؟>>يؤؤؤ الظاهر قمت اتعمق في شخصيه معتز في مسلسل باب الحاره.. .خخخخ) المهم .. انكم لازم تمشون خلال هالوقت عشان مايصير في اي فرصه لاختزان الجسم للدهون أو امتصاصها وفي نفس الوقت يتم تحطيم ذرات الدهون الجديده اللي توها داخله الجسم وذا على اللي تقول ان اي مسلسل يفوتها تراها تقدر تشوفه بعدين لانهم يعيدونه في اليوم الف مره وفي كل اذاعه

3- النقطه الأخيره انا ادري انها صعبه عليكم شوي بس هذا لزوم الرجيم الرمضاني ....وهي انكم فقط تفطرون

يعني بالعربي سحوووور ..مافي !! يعني ما تتسحرون فقط تاكلون وجبه الفطور وصدقوني ..والله العظيم وأقسم بأيات الله انكم في اليوم الثاني ماراح تحسون ولا بذره جوع ماراح تجوعون بعكس اللي يتسحر اهو اللي معدته تتعود انها كلله يلزمها اكل عشان يشغلها وماراح يشبعها لانها تعودت انها بعد كذا ساعه لازم يكون فيها اكل يعبيها

وكلللللللللللللللل هالخطوات اللي كتبتها انا مجربتها بالحرف الواحد ونفعت وياي ونقصت من وزني 7كيلو خلال هالشهر الفضيل

والنتيجه راح تستحق كلل هالجهد اللي تبذلونه لانكم ماراح تحاتون زيادة الوزن وخصوصا اذا كنتوا بتشترون لكم ثياب العيد وتختارون المقاسات الصغيره بدال المقاسات الكبيره اللي تنتج عن زياده الوزن

عاد خصوصا في العيد لازم تجي تعليقات البنات الضعاف العصاقل وتنقد فلانه وعلانه في وجهها وتقول لها بكل دلع وتحطيم قلب : (يؤؤؤؤه ماشالله عليج سمنتي في هالرمضانيه) عاد الوحده هنا تفتشل وتقول: (شنو أرد عليها؟؟)
أقوللها هذا كلله من خيرت رمضان؟؟
ههههههههههههههههههههههههههههههههههههههه

المهم خواتي الحبيبات انا ماراح اجبركم على هالنظام انا بس حبيت انقل لكم تجربتي اللي جابت نتيجه ولله الحمد ولو انها ماجابت كان ما نقلتها لكم وخليتكم تستفيدون منها

ودمت بعافيه وسلامه


ولا تحرمونا بردودكم تراها والله تهمني حييييييييل

ترى حتى التعليقات على الموضوع مسموح بها لا تستحون عاد اخذوا راحتكم